Кинцуги жапон өнерімен шабыттанған DIY киімдеріне идеялар сериясының алғашқы мақаласында сынған заттардан әдемілік табуды үйрететін ваби-саби философиясы баяу сән насихаттайтын өмір салтымен қалай үндесетіні туралы айтқан болатынбыз. Даму тарихы мен жыртылған джинстерді Кинцуги стилінде жөндеу туралы толығырақ мына жерден оқыңыз.
Әр мақала гардеробыңыздағы әр затты қарастырып, кішкентай кемшіліктердің әдемілігін айшықтау үшін түрлі идеялар мен техникаларды қолданатын болады.
Кинцуги рухындағы екінші видео мен қадамдық нұсқаулық тікпей-ақ ескі заттан жаңа зат істеуге болатынын көрсетеді.
Жүн – асыл табиғи ресурс және әмбебап талшық. Бұл материал жиі тозады және бұзылады, онда күйе мен ілгектен тесіктер пайда болады, бірақ оны қалпына келтіру оңай. Торлап жамау сияқты дәстүрлі әдістер көп жағдайда байқалып қалады. Сонымен қатар, мінсіз торлап жамау үлкен шеберлік пен шыдамдылықты талап етеді. Егер өзіңіз тіге алмасаңыз, онда нәтиже көңіліңізден шықпауы мүмкін. Торлап жамаудың орнына шикі жүннен жасалған киіз жамылғыны қолданыңыз. Видеода көрсетілген қарапайым нұсқауларды орындау арқылы жамылғыны жемпірдің Кинцуги рухындағы ерекшелігіне айналдыра аласыз.
Сізге қажет заттар:
- тесігі бар жүн жемпір (біздікін күйе жеп қойған);
- өңделмеген жүннің көмегімен жұмыс істеуге арналған бір комплект Woolfiller;
- киіз инесі (комплектке кіреді);
- пенопласт блок (комплектке кіреді).
Не істеу керек:
1. Бір-біріне қарама-қарсы түсті немесе бірнеше түсті жүндерді таңдап алыңыз. Біз кемшіліктерді жасыру ниетте емес екенімізді ескеріңіз. Оның орнына ерекшеленетін тұсын айқындаймыз.
2. Пенопласт блокты тесіктің астына қойыңыз.
3. Жүннің кішкене бөлігін алыңыз, кішкентайдан бастап, біртіндеп көбіректен қосыңыз.
4. Жүнді тесіктің үстінде ұстаңыз және оны инемен ақырындап ішке итеріп кіргізіңіз. Саусақтарыңызға абай болыңыз!
5. Уақыт өте келе, шеңбер пішінін жасау үшін өңделмеген жүннің шеттерін біркелкі етіп кіргізіп отыруға немесе қажеттілігіне қарай қосып отыруға болады.
6. Келесі тесікке басқа түсті жүн қолданыңыз (біз сондай-ақ, мойын жақтағы кішкентай тесікті де жөндедік. Оған назар түспеу үшін дәл сол түстегі жүнді қолдандық).
7. Енді қуана кие беруіңізге болады!
Әрине, жүн киіз – киім жаңартудың жалғыз амалы емес. Жүн киімін жөндеуге арналған тағы басқа мынадай балама идеялар бар.
- Киімдегі тесіктерді қарама-қарсы түстегі иірімжіппен торлап жамауға болады. Киімнің жөнделгенін жасырудың қажеті болмаса, тігіс мінсіз болуы маңызды емес.
- Әрбір тесік орнына әдемі түйме, жылтырақтар немесе кішкентай інжу тігіп қойыңыз.
- Егер тесіктер шынтақта пайда болса, ретро стилінде жамылғымен жамаңыз. Кинцуги идеяларын қалай іске асыруға болатыны жайлы оқи отырыңыз