Баяу сән қалай пайда болғаны жайлы ойландыңыз ба? Бұл қозғалысты жақтаушылар кімдер және жалпы бұл термин нені білдіреді? Жауап біздің гидте!
Баяу сән — бұл киімді саналы, тұрақты тәсілмен әзірлеу, өндіру және тұтыну. Сән индустриясы бұдан былай әлеуметтік жауапкершілікті елемей жүре алмайды, сондай-ақ біз, тұтынушылар, киім сатып алуда, киюде және лақтыруда саналы әрекетке көшуіміз тиіс. Сатып алғың келгені үшін сатып алу және гардеробты арзан, жарқын киімдермен толтырудың дәурені өтті. Бірнеше киістен кейін заттарды лақтыру дұрыс емес: енді біз оның қалай жасалатынын және осы индустрия қоршаған ортаға орасан зор әсер ететінін білетін болдық.
Баяу сән — сән индустриясының жылдам реакциясы. Жылдам сән бүкіл әлем бойынша арзан жұмыс күшін пайдалануға және экологияға зиян келтіретін өндіріс әдістеріне жауапты (1). Баяу сән болашаққа деген қамқорлықпен қоршаған ортаны қорғау және ұтымды пайдалану түсініктерін ұстанады. Эко-мата кеңесшісі және авторы Кейт Флетчер 2007 жылы жазғандай «Жүйрік сән — бұл жылдамдық жайлы емес, бұл ашкөздік жайлы: көп ақша табу үшін сату». Жылдам сән заттарының өңі бірнеше жуудан кейін кетіп қалады, бұл бізді жаңа зат сатып алуға мәжбүрлейді. Баяу сән аз, бірақ жоғары сапалы киім сатып алуға, оларды күтіп және ұзақ киюге шақырады.
Сән индустриясы тұтынушылардың киімді саналы пайдалана бастағанын ескеруде (2). Жаңа брендтер ғана емес, жетекші әлемдік брендтер де киім өндіруде тұрақты көзқарасты ұстанып қана қоймай, тұрақты дамуға өзгерістер енгізіп келеді. Жергілікті табиғи материалдарды, ресурстар мен жұмысшыларды пайдалана отырып, сондай-ақ қалдықтарды қысқарта отырып, көбі баяу сән қозғалысына бейімделіп келеді (2). Қазіргі таңда төмен баға қою арқылы тұтынушыларды тарту емес, сапа мен тұрақтылыққа баса назар аударылатыны өте маңызды.
Баяу сән ережелерін өмірлік ұстанымға айналдыратын қолайлы уақытты күтпеңіз – қазірден бастаңыз. Баяу сәнге үлес қосуға мүмкіндік беретін қарапайым заттардың тізімі:
- Қолыңыздағы әр затқа мұқият қараңыз. Есіңізде болсын: заттарыңыз не пайдалы, не әдемі болуы керек, не естелік болуы керек!
- Киіміңізді сұрыптаңыз: сіз бағалайтын киімдер, кейде киетін және кимейтін және ешқашан киюге келмейтіндер. Сүйікті заттарды қалдырыңыз, ал қажетсізін таратыңыз. Кейде ғана киюге болатын киімдермен не істеу керегін түсінбесеңіз, оларды екі санатқа бөліңіз. Сізге тағы да киім керек пе? Өзіңізді алдамаңыз. Егер қажет болса, жуғаннан кейін пішінін өзгертпейтін және ұзағырақ қызмет ететін табиғи материалдардан жасалған сапалы киім алыңыз.
- Зат қай жерде тігілгенін көру үшін затбелгісін тексеріңіз: гардеробыңызға түспес бұрын ол мың километрді еңсермеді ме?
- Ұқсас заттардың санын шектеңіз: адамға қанша сұр футболка қажет?
- Дақтарды кетіріңіз және тесіктерді жамаңыз (сіз үшін мұны ешкім жасамайды).
- Жуу құралын пайдаланыңыз - бұл киімнің өміршеңдігін арттырады.
- Ең бастысы – өз заттарыңызды жақсы көріңіз, оларды рахаттана киіңіз, ал бір күні ұнамай қалса, киюге даяр басқа біреуге беріңіз.
Image credits:
Header image: Stocksy
Image of woman sewing in studio: Getty Image
Image of clothing material tag: Gettty Images
Дереккөздер
1 Жүйрік сәннің шынайы құны
2 Жүйрік сән индустриясына анализ
Өзгеру оңай емес. Білеміз. Perwoll да саналылық жолында. Бұл туралы мына жерден оқыңыз